Работата на ООН во земјата е насочена кон остварување на националните приоритети за остварување на развојната агенда и пристапот до ЕУ. Нашите активности се раководени според националните стратегии наведени во следните документи: 

• Национален план за развој
• Национална стратегија за намалување на сиромаштијата и социјалната исклученост.
• Национален акционен план за вработување
• Национална стратегија за регионален развој
• Стратегија за Декада на Ромите
• Национална стратегија за деинституционализација на услугите за згрижување на деца
• Национална перинатална здравствена стратегија
• Стратегија за интеграција на бегалците и странците
• Национална стратегија и акционен план за борба против трговија со луѓе и нелегална миграција
• Стратегија за демографски развој
• Национална стратегија за сексуално и репродуктивно здравје
• Национална стратегија за дрога

Обединетите нации го поддржуваат највисокиот национален приоритет за пристап кон ЕУ преку три области: социјална инклузија, заштита на животната средина и локално владеење и територијален развој. Останатите теми кои се провлекуваат низ севкупната работа на ОН вклучуваат: човекови права, создавање на меѓуетничка кохезија, родова еднаквост и подобрување на координацијата на помошта.

Рамката за развојната поддршка на Обединетите нации дава преглед на работата на ОН во земјата.

 
Рамка за развојна поддршка на Обединетите нации (УНДАФ) - 2010-2015

Опертивните активности на Обединетите нации се изведуваат на барање и во согласност со политиките и приоритетите на Владата..

ОН ги координира своите активности преку тимот на Обединетите нации во земјата и преку меѓу-агенциски работни групи под трите теми: социјална инклузија, заштита на животната средина и локално владеење и територијален развој. Напредокот се мери преку следење на клучни показатели. Дополнително, тематските групи на Обединетите нации за ХИВ/СИДА и Човекови права и родови прашања исто така придонесуваат за посеопфатен пристап.

Таму каде што тоа е можно, ОН заеднички спроведува проекти за подобрување на кохерентноста, одржливоста, ефективноста и ефикасноста на резултатите од развојот. Во моментов, ОН спроведува две заеднички програми: Подобрување на меѓуетничкиот дијалог и соработка и Заштита од семејно насилство.

Постојаниот координато на ОН е овластен претставник на Генералниот секретар на ОН за развојни оперативни активности. Постојаниот координатор преку тимот на Обединетите нации во земјата ги обединува сите организации на системот на ОН кои работат на прашања поврзани со развојот, без оглед на нивното формално присуство во земјата, со цел да се подобри ефективноста и ефикасноста на оперативните активности на ОН во земјата.

Обединетите нации работат со широк спектар на владини, невладини и меѓународни партнери и со приватниот сектор

Организации на ОН кои имаат активности во земјата се:

• Програма за развој на Обединетите нации - UNDP
• Фонд за население на ОН - UNFPA
• Висок комесаријат за бегалци на ОН - UNHCR
• Фонд за деца на ОН - UNICEF
• Меѓународна организација на трудот - ILO
• Меѓународна организација за миграции - IOM
• Светска здравствена организација - WHO
• Ентитет на ОН за родова еднаквост и зајакнување на жените - UN Women
• Канцеларија на ОН за дрога и криминал - UNODC
• Програма на ОН за животна средина - UNEP
• Организација за храна и земјоделие - FAO
• Организација на ОН за индустриски развој - UNIDO
• Организација на ОН за образование, наука и култура - UNESCO
• Национална економска комисија за Европа - UNECE

Дополнително, Bretton Woods институциите, Светска банка и Меѓународен монетарен фонд, исто така имаат канцеларии во земјата.